ہمارے یہاں ایک بیٹا پیدا ہوا ہے ماشاء اللہ! ہم نے اس بچے کا نام ’’علی حمزہ‘‘ رکھا ہے۔ نام کے معنی و مطلب تفصیل سے مرحمت فرمائیں!
’’علی‘‘: رسول اللہ ﷺ کے چچا زاد، آپ ﷺ کے داماد اور چوتھے خلیفہ راشد رضی اللہ عنہ اور دیگر کئی صحابہ رضی اللہ عنہم کا نام ہے،بمعنی بلند/مضبوط۔ حضرت علی رضی اللہ عنہ کے فضائل بے شمار ہیں۔
’’حمزہ‘‘ : رسول اللہ ﷺ کے چچا اور آپ ﷺ کے رضاعی بھائی بھی ہیں، آپ ﷺ نے انہیں سید الشہداء کا لقب عنایت فرمایا، بمعنی شیر یعنی بہادر۔
یہ نام رکھنا بہت با برکت ہے! فقط واللہ اعلم
فتوی نمبر : 144109200906
دارالافتاء : جامعہ علوم اسلامیہ علامہ محمد یوسف بنوری ٹاؤن