سوال

 کیا علیجہ نام رکھناجائز ہے؟ اس نام کا کیا مطلب ہے؟

جواب

عربی زبان میں "علیجہ" کا استعمال نہیں مل سکا، اس کے مادے سے استعمال ضرور موجود ہے، لیکن اس وزن پر استعمال نہ مل سکا، اور غالبًا  آپ کا مقصد ’’علیزه‘‘  نام کے حوالے سے سوال کرنا ہے، جہاں تک ’’علیزه‘‘   کا لفظ ہے تو یہ بھی بعینہ عربی زبان میں نہیں مل سکا،  البتہ ’’علز‘‘  کے معنی عربی میں گھبرانے اور ڈرنے اور مائل ہونے کے  ہیں، قرآن پاک میں اس کا ذکر نہیں ہے اور نہ ہی کسی صحابیہ کا نام  ’’علیزه‘‘ ہے۔ اس لیے اگر کسی بچی کا نام رکھنا ہے تو  ’’علیزه‘‘  کے بجائے کسی صحابیہ رضی اللہ عنہا یا نیک خاتون کے نام پر یا اچھے معنیٰ والا عربی نام رکھ لیجیے۔ اس سلسلے میں ہماری ویب سائٹ کے اسلامی ناموں کے سیکشن سے بھی استفادہ کرسکتے ہیں۔ فقط واللہ اعلم