سوال

میں بوڈی اسپرے کا کام کرتاہوں، اب ہمیں  یہ معلوم نہیں کہ اس میں کونسا الکحل استعمال ہوتا  ہے ۔تو میرا کاروبار صحیح  ہے یا نہیں ؟

جواب

الکحل کئی قسم کاہوتاہے ،بعض پاک اوربعض ناپاک؛ لہذالکحل اگر انگور یا کھجور سے کشید کرکے بنایا گیا ہو تو وہ ناپاک اور حرام ہے اوراس کااستعمال درست نہیں۔اور اگر ان کے علاوہ کسی اور چیز سے بنایا گیا ہے تو اس کا اتنا استعمال جائز ہے جو نشے کی حد تک نہ پہنچتا ہو۔آج کل زیادہ تر الکحل انگور اور کھجور کے علاوہ اورچیزوں جیسے سبزیوں،گنے اور پٹرول وغیرہ سے بنایا جاتا ہے، اس لیے ایسی خوشبو اور پرفیوم کا استعمال اور اس کا کاروبار کرنا بھی  جائز ہے جس میں  مذکورہ الکحل ملا ہوا ہو، البتہ اگر یقین کے ساتھ معلوم ہوجائے کہ انگور یا کھجور سے کشید کردہ "الکحل"  شامل ہے تو اس کا استعمال اور خرید و فروخت جائز نہیں ہوگی۔فقط واللہ اعلم