میں اپنی بیٹی کا نام "عائزل" رکھنا چاہتا ہوں جو غالباً عبرانی لفظ ہے اور اس کا مطلب خدا کا تحفہ کے ہیں، راہ نمائ فرمائیں!
"عائزل" کا معنی ہمیں نہیں مل سکا، نیز کسی مستند حوالے سے اس لفظ کا عبرانی ہونا بھی معلوم نہیں ہوسکا۔
باقی بچوں کے ناموں کے لیے بہتر یہ ہے کہ ان کا ایسا نام رکھا جائے جس سے اسلام کے تشخص کا اظہار ہو، اس کے لیے صحابہ /صحابیات رضوان اللہ علیہم اجمعین، تابعین /تابعات رحمہم اللہ اور مسلمانوں میں مانوس ناموں پر نام رکھا جائے۔
ہماری ویب سائٹ اور ایپلی کیشن میں "اسلامی ناموں" کےعنوان سے ایک آپشن موجود ہے، جس میں سے آپ نام کا انتخاب کرسکتے ہیں، اس کا لنک درج ذیل ہے:
فقط واللہ اعلم
فتوی نمبر : 144207200883
دارالافتاء : جامعہ علوم اسلامیہ علامہ محمد یوسف بنوری ٹاؤن