اگر ایک فرد کے پاس صرف ایک تولہ سونا ہے اور ساتھ میں نقد رقم صرف 10 روپے ہیں جس پر ابھی سال نہیں گزرا اور کل ملا کر چاندی کے نصاب کو پہنچ جاتا ہے اور ایک دن بعدعیدالاضحیٰ ہے تو کیا اس فرد پر قربانی واجب ہے؟ اور اگر سال گزر جاۓ تو کیا پھر اس پر زکات دینی ہوگی؟
1۔صورتِ مسئولہ میں اگر یہ رقم مذکورہ شخص کی ضرورت سے زائد ہے اور عید الاضحیٰ کے دنوں میں اس کے پاس سونا اور ضرورت سے زائد یہ رقم موجود ہو تو اس پر قربانی واجب ہوگی۔
ملحوظ رہے کہ قربانی کے وجوب کے لیے مالِ نصاب پر سال گزرنا شرط نہیں، ایام قربانی میں نصابِ زکات کے بقدر مال ملکیت میں ہونا وجوب کے لیے کافی ہے۔
2۔ سال گزرنے پر اگر یہ شخص صاحبِ نصاب ہو تو اس شخص پر زکات ادا کرنا لازم ہوگا۔فقط واللہ اعلم
فتوی نمبر : 144111201856
دارالافتاء : جامعہ علوم اسلامیہ علامہ محمد یوسف بنوری ٹاؤن