کیا ایک امام دو جگہ عیدالفطر کی نماز پڑھا سکتا ہے؟
پنج وقتہ فرض نمازوں اور عیدین، جمعہ اور وتر میں ایک امام کے لیے دو دفعہ امامت کرنا جائز نہیں ہے، اگر کسی آدمی نے ایسا کیا تو دوسری دفعہ جن لوگوں نے اس کی اقتدا میں نماز پڑھی ان کی نماز نہیں ہوئی، کیوں کہ امام کی دوسری نماز نفل ہوئی اور نفل پڑھنے والے کے پیچھے فرض یا واجب پڑھنے والی کی نماز نہیں ہوتی۔ فقط واللہ اعلم
فتوی نمبر : 144110200022
دارالافتاء : جامعہ علوم اسلامیہ علامہ محمد یوسف بنوری ٹاؤن