ایک شخص کا انتقال ہوا، ورثاء میں ایک بیوہ ،چار بہنیں اور ایک بھائی ہے تو میراث کی تقسیم کس طرح ہو گی؟
صورت مسئولہ میں مرحوم کے ترکہ کی تقسیم کا شرعی طریقہ یہ ہے کہ سب سے پہلے مرحوم کے حقوق متقدمہ یعنی تجہیز وتکفین کے اخراجات نکالنے کے بعد، اگر مرحوم کے ذمہ کوئی قرض ہو تو اسے کل ترکہ سے ادا کرنے کے بعد، اور اگر مرحوم نے کوئی جائز وصیت کی ہو تو اسے بقیہ ترکہ کے ایک تہائی سے نافذ کرنے کے بعد کل ترکہ منقولہ وغیر منقولہ کو 8 حصوں میں تقسیم کر کے مرحوم کی بیوہ کو 2حصے اور مرحوم کے بھائی کو 2حصے اور مرحوم کی ہر ایک بہن کو ایک ایک حصہ ملے گا۔
صورت تقسیم یہ ہے:
میت۔۔8/4
بیوہ | بھائی | بہن | بہن | بہن | بہن |
1 | 3 | ||||
2 | 2 | 1 | 1 | 1 | 1 |
یعنی فیصد کے اعتبار سے مرحوم کی بیوہ کو 25فیصد ،اور مرحوم کے بھائی کو 25 فیصد اور مرحوم کی ہر ایک بہن کو 12.50فیصد ملے گا۔
فقط واللہ اعلم
فتوی نمبر : 144303200003
دارالافتاء : جامعہ علوم اسلامیہ علامہ محمد یوسف بنوری ٹاؤن