سوال

میرے والد صاحب کا انتقال ہوگیا ہے اور لواحقین میں ایک بیوہ ، ایک بیٹا اور چار بیٹیاں ہیں ۔ والد صاحب کی ایک دوکان ہے جس کو بیس لاکھ روپے میں فروخت کیا جا رہا ہے مارکیٹ کی ویلیو کے حساب سے، تو برائے مہربانی شرعی طور پر میت کی ملکیت کی تقسیم کے بارے میں مکمل شرعی حکم فرمائیے بمعہ میت کی تجہیز و تکفین اور قرض کے بارے میں بھی شرعی رہنمائی فرمائیں۔

جواب

صورتِ مسئولہ میں مرحوم کے ترکہ کی تقسیم کا طریقہ کار یہ ہے کہ سب سے پہلے مرحوم کی کل جائیداد منقولہ و غیر منقولہ میں سے مرحوم کی تجہیز و تکفین کا خرچہ نکالنے کے بعد ، اگر مرحوم کے ذمہ کوئی قرض ہو اسے ادا کرنے کے بعد باقی ترکہ میں سے  اگر مرحوم نے کوئی جائز وصیت کی ہو تو اسے ایک تہائی مال میں سے نافذ کرنے کے بعد  باقی   کل متروکہ جائیداد  (منقولہ و غیر منقولہ ) کو48 حصوں میں تقسیم کر کے 6حصے بیوہ کے، 14 حصے بیٹے کے اور 7 حصے ہر بیٹی کے ہیں۔

صورت تقسیم یہ ہے :

میت : 8 / 48 ۔۔۔ مضروب : 6

یعنی  بیس لاکھ (2,000,000) میں سے ڈھائی لاکھ (250,000) روپےبیوہ کو، پانچ لاکھ، تراسی ہزار، تین سو تینتیس (583,333.33) روپے بیٹے کو اور دو لاکھ، اکانوے ہزار، چھ سو چھیاسٹھ (291,666.66) روپے ہر بیٹی کو ملیں گے۔

فقط واللہ اعلم