سوال

ہمارے والدین کا انتقال ہوچکا ہے، ہم ایک بھائی اور پانچ بہنیں ہیں۔ ایک گھر ہے، جس کی قیمت ایک کروڑ ہے۔ میراث کی تقسیم کی رہنمائی کردیں۔

جواب

صورتِ مسئولہ میں مرحومین کے ترکے کی تقسیم کا شرعی طریقہ یہ ہے کہ مرحومین کی تجہیز و تکفین کا خرچہ نکالنے کے بعد، اگر مرحومین کے ذمہ کوئی قرض ہو تو اس کی ادائیگی کے بعد، اگر مرحومین نے کوئی جائز وصیت کی ہو تو اسے  ایک تہائی  ترکہ میں سے نافذ کرنے کے بعد بقیہ کل جائیداد کو 7 حصے میں تقسیم کرکے 2 حصے مرحومین کے بیٹے کو اور ایک حصہ ہر  ایک بیٹی کو ملے گا۔

لہذا  ایک کروڑ روپے میں سے 2857142.85 روپے بیٹے کو اور 1428571.42 روپے ہر  ایک بیٹی کو ملیں گے۔فقط و اللہ اعلم