بِسْمِ اللَّهِ الرَّحْمَنِ الرَّحِيم

18 ربیع الاول 1443ھ 25 اکتوبر 2021 ء

دارالافتاء

 

آئینہ کے سامنے نماز ادا کرنا


سوال

میرے کمرے میں سنگھار میز ہے ،جس میں ایک بڑا آئینہ لگا ہے، کبھی کبھار گھر میں نماز پڑھنا ہو تو مصلی آئینے کے سامنے آجاتا ہے۔ تو کیا آئینہ کے سامنے نماز ہوجاتی  ہے؟

جواب

 اگر نمازی کے سامنے الماری، کھڑکی یا دیوار میں شیشے لگے ہوئے ہوں اور اس میں نمازی کا عکس نظر آتا ہو تو نماز ہوجائے گی، کراہت نہیں ہوگی، کیوں کہ عکس تصویر کے حکم میں نہیں ہے۔

ہاں البتہ اگر اس کی وجہ سے نمازی کی توجہ ہٹ جاتی ہو، یک سوئی اور خشوع وخضوع میں خلل واقع ہوتا ہو تو ایسی صورت میں شیشے کے سامنے نماز پڑھنا مکروہِ تنزیہی ہے، ایسی صورت میں نماز پڑھتے وقت شیشے پر کپڑا وغیرہ ڈال دیا کریں۔

فتاویٰ شامی میں ہے:

"(تتمة) بقي في المكروهات أشياء أخر ذكرها في المنية ونور الإيضاح وغيرهما: منها الصلاة بحضرة ما يشغل البال ويخل بالخشوع كزينة ولهو ولعب، وذلك كرهت بحضرة طعام تميل إليه نفسه وسيأتي في كتاب الحج قبيل باب القرآن يكره للمصلي جعل نحو نعله خلفه لشغل قلبه".

 (ج:1، ص: 654، ط: سعيد) 

فقط والله أعلم


فتوی نمبر : 144301200176

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں