سوال

"اَحد  اسماعیل"  نام رکھنا شرعی اعتبار سے کیسا  ہے؟

جواب

اسماعیل حضرت ابراہیم علیہ السلام  کے بیٹے حضرت اسماعیل علیہ السلام کا نام ہے ،مفسرین نے لکھا ہے کہ یہ عبرانی زبان کا لفظ ہے عبرانی میں "اشمویل" تھا عبرانی زبان سے عربی  میں  منتقل ہوا تو   اسماعیل ہوا ،اس کا معنی ہے  اللہ نے میر ی دعا سن لی۔

احد کا معنی ہے: ایک، اکائی، اکیلا، تنہا۔

(القاموس الوحید، ص:112، ط:ادارہ اسلامیات)

اللہ تعالی کے صفاتوں ناموں میں سے ایک نام "الأحد" بھی ہے، جس کا معنی ہے: وہ  اکیلا جوکہ ازل سے اکیلا ہے اوراس کے ساتھ دوسرا کوئی نہیں ؛ البتہ مجازی معنی  اعتبار  سے کسی  بھی عمل میں اکیلے شخص پر  اس کا اطلاق ہوتا ہے؛ لہذا  اس بعد والے معنی کے اعتبار سے صرف ’’احد‘‘  نام رکھنے کی گنجائش تو ہوگی(احداسماعیل نام رکھاجاسکتاہے) لیکن بہتر یہ ہے کہ   اگر یہ نام رکھنا ہو تو ’’احد‘‘  کے ساتھ ’’عبد‘‘  کا لفظ لگاکر نام رکھا جائے (یعنی عبد الاحد)۔

"النهایة في غريب الحديث" میں ہے:

"(أحد) في أسماء الله تعالى الأحد وهو الفرد الذي لم يزل وحده ولم يكن معه آخر."

(باب الهمزة مع الحاء، ج:1، ص:27، ط:المكتبة العلمية بيروت)

"عمدة القاري شرح صحيح البخاري" ميں ہے:

"عن ابن عمر رفعه: إن أحب الأسماء إلى الله عز وجل، عبدا الله، وعبد الرحمن. قلت: هذا غير لفظ الترجمة بعينها، ولكن يعلم منه أن أحب الأسماء إلى الله عز وجل عبد الله وعبد الرحمن، وقال القرطبي: يلحق بهذين الإسمين ما كان مثلهما: كعبد الرحيم وعبد الملك وعبد الصمد، وإنما كانت أحب إلى لأنها تضمنت ما هو وصف واجب لله تعالى، وما هو وصف للإنسان وواجب له وهو العبودية."

(كتاب الأدب، باب أحب الأسماء إلى الله عز وجل، ج:22، ص:206، ط: دار إحياء التراث العربي بيروت)

فقط والله أعلم