ایک حاملہ جانور کی قربانی کی گئی اور جنین یعنی بچے کی قربانی نہیں کی گئی، اب وہ بچہ گائے بن چکا ہے، مسئلہ معلوم کرنے پر علم ہوا کہ اس بچے کی قیمت صدقہ کرنا لازمی ہے۔ پوچھنا یہ ہے کہ اب بچے کی موجودہ قیمت صدقہ کرنا ہوگی یا جنین کی جو قیمت ہوگی؟
اگر کسی جانور کے پیٹ میں سے بچہ نکلے اور اُس کو ذبح نہیں کیا گیا یہاں تک کہ قربانی کے دن گزر گئے تو اس زندہ بچے کو صدقہ کر دیا جائے، اور اگر اس بچہ کو پال لیاتو بھی اُس کو صدقہ کرنا ہی ضروری ہے، قیمت صدقہ کرنے کا حکم اُس وقت ہے جب ایامِ قربانی گزر جانے کے بعد بچے کو ذبح کر کے اس کا گوشت کھا لیا ہو۔
الدر المختار وحاشية ابن عابدين (رد المحتار) (6/ 322):
"ولدت الأضحية ولدا قبل الذبح يذبح الولد معها.
(قوله: قبل الذبح) فإن خرج من بطنها حيا فالعامة أنه يفعل به ما يفعل بالأم، فإن لم يذبحه حتى مضت أيام النحر يتصدق به حيًّا."
فقط واللہ اعلم
فتوی نمبر : 144112200470
دارالافتاء : جامعہ علوم اسلامیہ علامہ محمد یوسف بنوری ٹاؤن