سوال

افیون کے نشہ کی کیا حیثیت ہے، اور اس کی کیا سزا ہے؟

جواب

افیون کا دوائی میں استعمال جائز ہے، لیکن  نشہ کی غرض سے اس کا استعمال حرام ہے، اور قابلِ تعزیر جرم ہے، یعنی مسلمانوں کی مقننہ (جماعت یا مسلمان قاضی) جو سزا تجویز کرے۔

مفتی اعظم ہندمفتی کفایت اللہ رحمہ اللہ ایک سوال کے جواب میں لکھتے ہیں:

’’افیون، چرس، بھنگ یہ تمام چیزیں پاک ہیں اوران کا دوا میں خارجی استعمال جائزہے، نشہ کی غرض سے ان کو استعمال کرنا ناجائزہے۔ مگران سب کی تجارت بوجہ فی الجملہ مباح الاستعمال ہونے کے مباح ہے، تجارت تو شراب اور خنزیر کی حرام ہے کہ ان کا استعمال خارجی بھی ناجائزہے‘‘۔

(کفایت المفتی 9/129،ط:دارالاشاعت)

فقط واللہ اعلم