سوال

کیا اعتکاف کرنے والی عورت ،گولی کھا کر اپنی ماہواری کو بڑھا سکتی ہے اور اعتکاف کر سکتی ہے؟

جواب

حیض کا خون بند کرنے کے لیے دوا وغیرہ استعمال کرنا ناجائز تو  نہیں ہے، البتہ بسااوقات طبی لحاظ سے یہ عورت کے لیے نقصان دہ ہوتا ہے اور اس سے ماہواری کے ایام میں بے قاعدگی بھی ہوجاتی ہے، لہٰذا دوا وغیرہ کے ذریعے بتکلف حیض کو روکنا مناسب نہیں ہے، تاہم دوا کے استعمال کے ذریعے اگر ماہواری روک  دی جائے تو  پاکی کے اَحکام لاگو ہوں گے، یعنی اس دوران اعتکاف درست ہوگا۔ 

الدر المختار وحاشية ابن عابدين میں ہے:

"وبرده لایبقی ذا عذر، بخلاف الحائض.

(قوله: بخلاف الحائض) ... وهذا إذا منعته بعد نزوله إلی الفرج الخارج، کما أفاده البرکوي، لما مرّ أنه لایثبت الحیض إلا بالبروز، لا بالإحساس به، خلافاً لمحمد، فلو أحست به فوضعت الکرسف في الفرج الداخل ومنعته من الخروج فهي طاهرة، کما لو حبس المني في القصبة."

(باب الحیض،ج1،ص308،ط: سعید)

فقط واللہ اعلم