سوال

ایک بندہ جو دوزانو یعنی نماز میں تشہد کی حالت میں بیٹھنے سے معذور ہے،  کیا آلتی پالتی بیٹھ کر تشہد پڑھ سکتا ہے؟  اور اسی طرح مسجد میں امامت کرا سکتا ہے؟

جواب

اگر کوئی شخص تشہد کی حالت میں دو زانو نہ بیٹھ سکتا ہو تو ایسا شخص مجبوراً چار زانو (آلتی پالتی) بیٹھ سکتا ہے، پھر اگر وہ رکوع و سجود کے ساتھ نماز ادا کرتا ہو یعنی اشارے سے نماز ادا نہ کرتا ہو،صرف دوزانو بیٹھنے میں تکلیف ہو تو اُس کی امامت درست ہے،  اور اگر  رکوع و سجود سے قاصر ہونے کی وجہ سے اشارہ سے نماز پڑھتا ہو اس کا امامت کرانا درست نہیں، اس کی اقتدا میں نماز نہیں ہو گی۔ 

الدر المختار وحاشية ابن عابدين (رد المحتار) (1/ 579):

"(و) لا (قادر على ركوع وسجود بعاجز عنهما) لبناء القوي على الضعيف".

فقط والله أعلم