مؤکدہ سنتیں پڑھنے کا طریقہ کیا ہے؟ اگر چار سنتِ مؤکدہ پڑھنی ہوں تو چاروں رکعات میں سورہ فاتحہ کے بعد کوئی سورت پڑھنا ضروری ہے؟
سنتیں، مؤکدہ ہوں یا غیرمؤکدہ ، دو ہوں یا چار، ان کی ہر رکعت میں سورۂ فاتحہ کے ساتھ سورت یا مختصر تین آیتوں یا ایک طویل آیت کا ملانا واجب ہے۔ تلاوت کے علاوہ باقی ارکان وغیرہ کی ادائیگی میں سنتِ مؤکدہ کی ادائیگی کا طریقہ وہی ہے جو دیگر نمازوں کی ادائیگی کا طریقہ ہے۔ فقط واللہ اعلم
فتوی نمبر : 144110200696
دارالافتاء : جامعہ علوم اسلامیہ علامہ محمد یوسف بنوری ٹاؤن