سوال

اگر کسی کی ملکیت میں فلیٹ ہے جسے اس نے کرایہ پر دیا ہوا ہے تو اس فلیٹ کی ملکیت میں زکاۃ کا کیا حکم ہے؟ یاد رہے کر فلیٹ تجارت کی غرض سے نہیں رکھا ہوا۔

جواب

صورتِ مسئولہ میں مذکورہ فلیٹ کی مالیت پر زکاۃ لازم نہیں،  البتہ اس سے حاصل شدہ کرایہ اگر جمع رہے اور وہ نصاب کے برابر یا اس سے زائد ہو  یا دوسرے قابلِ زکاۃ اموال کے ساتھ مل کر نصاب کے برابر یا اس سے زائد ہو تو زکاۃ کا سال پورا ہونے پر اس کی زکاۃ لازم ہوگی۔فقط واللہ اعلم