سوال

میرے چچا کا انتقال ہوا ہے، چچا غیر شادی شدہ تھے، ورثاء میں دو بھائی اور چار بہنیں ہیں، والدین کا انتقال پہلے ہو چکاتھا، مرحوم کے ترکہ میں ایک گھر اور ایک دکان ہے، گھر اور دکان سے کرایہ بھی آتا ہے، اب مذکورہ ورثاء میں یہ ترکہ کیسے تقسیم ہوگا؟

جواب

صورتِ مسئولہ میں مرحوم کا ترکہ تقسیم کرنے کا شرعی طریقۂ کار یہ ہے کہ کل ترکہ سے مرحوم کے حقوقِ متقدمہ(کفن دفن کے اخراجات) نکالنے کے بعد، اگر مرحوم کے ذمہ کوئی قرضہ ہو تو وہ ادا کرنے کے بعد، اگر مرحوم نے کوئی جائز وصیت کی ہو تو بقیہ ترکہ کےایک تہائی سے نافذ کرنے کے بعد باقی ترکہ (منقولہ وغیر منقولہ) کے کل 8 حصے کرکے 2، 2حصے ہر ایک بھائی کو اور ایک ایک حصہ ہر ایک بہن کو ملے گا۔

صورتِ تقسیم یہ ہے:

میت:8

یعنی فی صد کے اعتبار سے کل ترکہ (مکان دکان اور ان کے کرایہ) میں سے 25 فی صد ہر ایک بھائی کو اور 12.5 فی صد ہر ایک بہن کو ملےگا۔۔۔۔۔۔كذا في كتب الفقه والفرائض.

فقط واللہ اَعلم