سوال

 ایک آدمی کے پاس 2 تولہ سونا جب کہ 1 لاکھ 65 ہزار روپے بھی موجود ہیں، اس پر کتنی زکاۃ ہے؟

جواب

2 تولہ سونا کی قیمت معلوم کرکے 1 لاکھ 65 ہزار اس میں جمع کریں، حاصلِ جمع کو چالیس سے تقسیم کریں،جو جواب آئے گا وہی آپ کی زکاۃ کی مقدار ہوگی، مثلاً آج کل سونے کی قیمت ایک لاکھ 15 ہزاروپے فی تولہ ہے تو دو تولہ کی قیمت دو لاکھ تیس ہزار روپے ہوئی، اس میں ایک لاکھ 65 ہزار روپے ملائے تو 395000 حاصل ہوا، اسے چالیس سے تقسیم کیا تو 9875 جواب آیا، یہ زکاۃ کی مقدار ہے، فقط و اللہ اعلم