سوال

ہماری چچی کا انتقال ہو گیا ہے ،ان کے ورثاء میں شوہر، ایک بھائی اور دو بہنیں شامل ہیں، مرحومہ کی کوئی اولاد نہیں ہے اور ان کے والدین کا انتقال بھی ان سے پہلے  ہو چکا تھا، چچی مرحومہ کے ترکہ میں دو پلاٹ ہیں چچی کے انتقال کے بعد ہمارے چچا یعنی چچی کے شوہر کا بھی  انتقال ہو گیا ،ان کے ورثاء میں صرف دو بھائی ہیں،والدین کا انتقال پہلے ہو چکا تھا ،اب چچی مرحومہ کے ترکہ  میں جو دو پلاٹ ہیں، ان کی تقسیم کیسے ہو گی؟

جواب

صورت مسئولہ میں مرحومہ  چچی کے ترکہ کی تقسیم کا شرعی طریقہ کار یہ ہے کہ مرحومہ کے   حقوقِ متقدمہ اگر مرحومہ کے ذمہ کوئی قرضہ  ہو تو مرحومہ کے ترکہ میں اس کی ادائیگی کے بعد،  اور اگر مرحومہ نے کوئی جائز وصیت کی ہو تو باقی مال کے ایک تہائی مال میں سے اس وصیت کو نافذ کرنے کے بعد باقی کل متروکہ جائیداد منقولہ و غیر منقولہ کو  آٹھ   حصوں میں تقسیم کرکے اس میں سے  چچی کے بھائی کو   دو  حصے،ہر ایک بہن  کو  ایک ایک  حصہ،مرحوم ،چچا کے ہر ایک بھائی کو  دو دو  حصے ملیں گے  ۔

صورت تقسیم یہ ہے:

میت(چچی):8/2

میت(مرحوم چچا):2  مض :1                                                                                                                                                             مف:4  مض:2

یعنی فی صد کے اعتبار سے 25 فی صد مرحومہ کے بھائی کو،12.5 مرحومہ کی ہر ایک بہن کو ،25 فی صد مرحوم چچا کے ہر ایک بھائی کو ملیں گے۔فقط واللہ اعلم