آج کل ہمارے یہاں لوگ موبائل پر میسج میں سلام لکھ کر بھیجتے ہیں۔ کیا میسج پر بھی سلام کا جواب دینا ضروری ہے؟
صورتِ مسئولہ میں اگر کوئی شخص کسی کو بذریعہ میسج سلام (السلام علیکم ...)لکھ کر بھیجتا ہے تو جس شخص کو سلام بھیجا گیا ہے اس شخص پر اس تحریری سلام کا بذریعہ زبان جواب دینا یا جواب لکھ کر بھیجنا ،دونوں میں سے کسی ایک طریقے سے سلام کا جواب دینا واجب ہے ۔
الدر المختار میں ہے:
"ويجب رد جواب كتاب التحية كرد السلام."
وفی حاشیتہ لابن عابدین:
"(قوله ويجب رد جواب كتاب التحية) لأن الكتاب من الغائب بمنزلة الخطاب من الحاضر مجتبى والناس عنه غافلون... لكن في الجامع الصغير للسيوطي: رد جواب الكتاب حق كرد السلام. قال شارحه المناوي: أي إذا كتب لك رجل بالسلام في كتاب ووصل إليك وجب عليك الرد باللفظ أو بالمراسلة."
(كتاب الحظر والإباحة، فصل في البيع، ج:6، ص:415، ط: سعيد)
فقط واللہ اعلم
فتویٰ نمبر : 144802102203
دارالافتاء : جامعہ علوم اسلامیہ علامہ محمد یوسف بنوری ٹاؤن
