سوال

 میرا ایک ملازم ہے جو زکوٰۃ کا مستحق  ہے ،اس کے گھر میں پانی پینے والے نل کی ضرورت ہے ،جس سے اس کے گھر والے پانی استعمال کریں گے، کیا میں اپنی زکوٰۃ کے پیسوں سے اس کے گھر میں پانی کا نل لگوا سکتا ہوں ؟

جواب

صورتِ مسئولہ میں اگر ملازم مستحق زکات ہے تو اس کو زکات کی رقم  یا نل وغیرہ کےسامان دے کر   باضابطہ مالک بنایا جاۓ،پھر ملازم جیسے چاہے اس میں تصرف کرے،تو زکات ادا ہوجاۓ گی۔

فتاوی ہندیہ میں ہے:

"ويشترط أن يكون الصرف (تمليكا) لا إباحة."

(كتاب الزكوة، باب مصرف الزكوة و العشر، 344/2، ط: سعید)

فقط والله أعلم