سوال

کیا یہ امام ابن القیم رحمہ اللہ کا قول ہے؟  رہنمائی فرمائیں :

اگر صدقہ کرنے والا یہ جان لے کہ اُس کا صدقہ فقیر سے پہلے اللہ کے ہاتھ میں پہنچتا ہے؛ تو یقیناً دینے والے کو لینے والے سے زیادہ لذت ملے۔

جواب

علامہ ابن القیم رحمہ اللہ کی طرف منسوب یہ قول  ہمیں کہیں اس طرح نہیں ملا، البتہ ان کی ایک کتاب (مدارج السالكين ) میں صرف اتنی بات ملی کہ  صدقہ دینے والے کو ملنی والی خوشی اور لذت صدقہ لینے والے  سے بڑھ کر ہوتی ہے۔

"إذ هذا شأن الجواد من الخلق، فإنه يحصل له من الفرح والسرور والإبتهاج واللذة بعطائه وجُوده فوق ما يحصل لمن يعطيه، ولكن الآخذ غائب بلذة أخذه عن لذة المعطي وابتهاجه وسروره ".

(مدارج السالكين بين منازل إياك نعبد وإياك نستعين: فصل ومنها السر الأعظم الذي لا تقتحمه العبارة ولا تجسر عليه  (1/ 212)، ط. دار الكتاب العربي - بيروت، الطبعة الثانية : 1393 هـ = 1973م)

فقط والله اعلم