سوال

ایک واٹس ایپ گروپ میں روزانہ کا درود تمام ممبرز سے اکھٹا کیا جاتا ہے اور پھر اسے جمعۃ المبارک کو بارگاہِ  رسالت صلی اللہ تعالیٰ علیہ وآلہ وسلم میں پیش کیا جاتا ہے۔ مجھے معلوم یہ کرنا ہے کہ کیا یہ طریقہ کار درست ہے؟

جواب

رسول اللہ صلی اللہ علیہ و سلم پر درود بھیجنا بہت ہی سعادت مندی کا کام  اور افضل عبادات میں سے ہے ، لیکن اس عمل میں ریا کاری اور تشہیر سے بچنا ضروری ہے ، زیر نظر مسئلہ میں بیان کردہ صورت خلوص کے منافی معلوم ہورہی ہے ، بہتر صورت یہ ہے کہ   ہر ایک شخص اپنے طور پر بارگاہِ  رسالت  مآب صلی اللہ علیہ وسلم  میں درود بھیجے۔ اور مناسب موقع دیکھ کر، دوسروں کو بھی درود پڑھنے کی  ترغیب دی جائے۔ فقط واللہ اعلم