سوال

ایک شخص کے  دادا کا انتقال ہو گیا ہے اور ان کی زمین رہ گئی ہے، ان کی نہ بیٹی ہے اور نہ بیٹا ہے اور نہ ہی بھائی ہے، اور نہ ہی بہن ہے، صرف دو پوتے ہیں، اور اگر یہ زمین ہم بیچ دیں تو اس کی رقم ان دونوں میں تقسیم ہو گی یا ان کے بچوں میں بھی تقسیم  ہو گی؟

جواب

بصورتِ مسئولہ اگر مرحوم کے ورثاء میں بیٹا، بیٹی موجود نہیں ہے تو مرحوم کے پوتے مرحوم کے وارث ہوں گے ، اور مرحوم کی زمین کو فروخت کر کے دونوں پوتوں کو اُس کی رقم ملے گی،  پوتوں کی اولاد کا اس میں کوئی حصہ نہ ہو گا۔

الفتاوى الهندية (6/ 452):

"الأقرب يحجب الأبعد كالابن يحجب أولاد الابن."

فقط واللہ اعلم