سوال

آج کل بہت سارے گھروں میں کمروں سے منسلک غسل خانے موجود ہیں,اگر عورت کسی ایسے کمرے میں اعتکاف کرتی ہے تو  کیا اس کے لیے گرمی یا گندگی سے بچنے کے لیے غسل جائز ہو گا؟

جواب

عورت دورانِ اعتکاف ٹھنڈک حاصل کرنے کی غرض سے غسل کے لیے نہیں نکل سکتی، البتہ اگر  معتکفہ خاتون اعتکاف والے کمرے میں ایک طرف  پردے میں بیٹھ  کر غسل کرلے یا بیت الخلا جانے کا تقاضا ہو  اور  اسی نیت سے باتھ روم جائے تو  بہت مختصر وقت میں پانی کے دو تین لوٹے بدن پر بہا لے، اگر صرف ٹھنڈک کے غسل کی نیت سے جائے گی تواعتکاف فاسد ہو جائے گا۔ فقط واللہ اعلم