سوال

ہماری جامعہ میں تنخواہ وقت پر نہیں دی جاتی اورتنخواہ ہوتی بھی بہت کم ہے، جس سے ہمارے گھر کے بنیادی اخراجات مثلا: کچن اور بچوں  کے اخراجات بھی پورے نہیں ہوتے۔کیا میں انتظامیہ کی اجازت کے بغیر اپنے دوستوں کے تعاون سے اپنی تنخواہ پوری کرسکتا ہوں؟

جواب

صورتِ مسئولہ میں سائل کا اپنی جامعہ کا نام لے کراپنے دوستوں سے اس کے لیے رقم لینا اور انتظامیہ کی اجازت کے بغیر اسے اپنی تنخواہ میں شامل کرنا شرعاً ناجائز  ہے،البتہ ادارے کا نام لیے بغیراگر سائل کاکوئی دوست سائل کا  تعاون کرے،مدرسہ کا کوئی عنوان نہ ہوتو چوں کہ اس تعاون کا ادارے سے کوئی واسطہ نہ ہوگا تو اس صورت میں سائل اس رقم کو اپنے  ذاتی استعمال میں لاسکتاہے۔تاہم دوسروں کے سامنے ہاتھ پھیلانے سے چوں کہ عزتِ نفس مجروح ہوتی ہے، ا س لیے سخت مجبوری نہ ہو تو اس سے بچا جائے۔

شرح المجلۃ لسلیم رستم باز میں ہے:

"لايجوز لأحد أن يتصرف في ملك غيره بلا إذنه أو وكالة أو ولاية و إن فعل كا ضامنًا."

(ج:1، ص:61، الرقم:96،ط :حبیبیہ کوئٹہ)

الموسوعۃ الفقہیہ میں ہے:

"الوكيل أثناء قيامه بتنفيذ الوكالة مقيد بما يقضي به الشرع من عدم الإضرار بالموكل؛ لقول رسول الله صلى الله عليه وسلم: لا ضرر و لا ضرار، ومقيد بما يأمره به موكله، كما أنه مقيد بما يقضي به العرف إذا كانت الوكالة مطلقة عن القيود، فإذا خالف كان متعديًا ووجب الضمان".

(احكام الوکالۃ، ضمان الوكيل ما تحت يده من أموال،ج:45، ص: 87،   ط: طبع الوزارة) 

فقط واللہ اعلم