ابوبکر نام کے ساتھ ایک اور نام ملا کے رکھنا چاہتا ہوں کونسا نام ملاؤں جو معنی اور بولنے میں خوبصورت ہو؟
صورتِ مسئولہ میں مفرد (ایک لفظ والا نام) رکھنا بھی جائز ہے اور مرکب(ایک سے زائد الفاظ پر مشتمل )نام رکھنا بھی جائزہے،لہذا اگر صرف ابوبکر نام رکھا جائے تو یہ بھی درست ہے اور اگرابوبکر نام سے پہلے" محمد" نام کااضافہ کرکے "محمد ابوبکر"نام رکھا جائے تو یہ اور بہتر ہے۔
الفقہ الاسلامی و ادلتہ میں ہے:
"ويجوز التسمية بأكثر من اسم واحد، والاقتصار على اسم واحد أولى، لفعله صلّى الله عليه وسلم بأولاده".
(القسم الاول العبادات،الباب الثامن الاضحیۃ و العقیقیۃ،المبحث الثانی احکام المولود،التسمیۃ باکثر من اسم واحد،ج:4،ص:2753،دار الفکر)
فقط واللہ اعلم
فتوی نمبر : 144307102435
دارالافتاء : جامعہ علوم اسلامیہ علامہ محمد یوسف بنوری ٹاؤن