میری بیوی کی بھتیجی کو طلاق ہو گئی ہے، کیا میں اپنی بیوی کی رضامندی سے اس سے نکاح کرسکتا ہوں ؟
جب تک آپ کی بیوی آپ کے نکاح میں ہے اس وقت تک آپ کا اپنی بیوی کی بھتیجی سے نکاح کرنا جائز نہیں ہے؛ کیوں کہ جس طرح دو بہنوں کو ایک وقت میں نکاح میں رکھنا جائز نہیں ہے، اسی طرح ایسی دو عورتیں جن کا آپس میں پھوپھی اور بھتیجی (یا خالہ بھانجی) کا رشتہ ہو ان کو بھی ایک وقت میں نکاح میں جمع کرنا کسی مرد کے لیے جائز نہیں ہے۔
الدر المختار وحاشية ابن عابدين (رد المحتار) (3/ 38):
"(و) حرم (الجمع) بين المحارم (نكاحاً) أي عقداً صحيحاً (وعدة ولو من طلاق بائن، و) حرم الجمع (وطء بملك يمين بين امرأتين أيتهما فرضت ذكراً لم تحل للأخرى) أبداً؛ لحديث مسلم: «لاتنكح المرأة على عمتها» وهو مشهور يصلح مخصصاً للكتاب". فقط واللہ اعلم
فتوی نمبر : 144107200351
دارالافتاء : جامعہ علوم اسلامیہ علامہ محمد یوسف بنوری ٹاؤن