سوال

نابالغ بچوں کی عیدی کے پیسوں پر اگر سال گزر جائے تو زکاۃ ہو گی؟  اگر ہو گی تو کس کے ذمہ ہو گی ؟

 اگر نابالغ بچی کے پاس سونے کے بالی ہے اور سال گزر گیا تو زکاۃ ہو گی ؟ اور کس کے ذمہ ہو گی؟

جواب

جس طرح نماز ،روزہ ، حج اور دیگر عبادات نابالغ پر فرض نہیں ہیں اسی طرح اس پر زکاۃ بھی فرض نہیں ہے ؛ لہذا اگر بچہ یا بچی  صاحبِ نصاب ہے، تب بھی نابالغ ہونے کی وجہ سے ان کے مال پر زکاۃ واجب نہیں ہوگی ، اور ولی کے ذمے بھی نابالغ کے مال سے زکاۃ ادا کرنا لازم نہیں ہے۔فقط واللہ اعلم