گلگت بلتستا ن کے ایک چھوٹے سے گاؤں میں ایک چشمہ نکلا ہے، جس کے پانی کو لوگ شفا کے لیے پیتے ہیں، میرے خیال میں یہ غلط ہے، آیا یہ غلط ہے یا درست؟
شفا دینے والی ذات اللہ تعالیٰ کی ہے، ممکن ہے کہ اس چشمہ کے پانی سے لوگ شفایاب ہوتے ہوں ، جیسے دوا کے استعمال سے اللہ پاک اس کو شفا کا ذریعہ بنادیتے ہیں، البتہ اس چشمہ کے پانی کو شفا کا مؤثر حقیقی نہ سمجھا جائے؛ لہٰذا اگر مذکورہ چشمے کا پانی لوگ شفا کے لیے پیتے ہیں اور مؤثر حقیقی اللہ تعالیٰ کو ہی سمجھتے ہیں تو مذکورہ چشمے کا پانی شفا کی غرض سے پینا جائزہوگا۔ لیکن اگر لوگوں کے عقائد بگڑنے کا اندیشہ ہو کہ اسی چشمہ کو مؤثر حقیقی سجھنا شروع کردیں تو پھر سختی سے اس کی تردید کی ضرورت ہوگی۔ فقط واللہ اعلم
فتوی نمبر : 143902200052
دارالافتاء : جامعہ علوم اسلامیہ علامہ محمد یوسف بنوری ٹاؤن