سوال

حال ہی میں چیچنیا کے صدر کے لیے حضور صلی اللہ علیہ وسلم کے حجرے کا دروازہ کھولا گیا تو میں نے یہ وڈیو اپنے دوست کو شیئر کی تو اس نے شکوہ کیا کہ یہ شخص ہزاروں مسلمانوں کا قاتل ہے اس کو کیسے اجازت مل گئی؟ اگر وہ واقعی ایسا ہے تو سعودی حکومت کا یہ  اقدام صحیح  ہے؟

جواب

صورتِ مسئولہ میں روضہ مبارک کا دروازہ کسی کے لیے کھولنا یا کسی کو اندر حاضری نصیب ہونا  مقدر کی بات ہے، تاہم یہ مقام انتہائی ادب و احترام کا ہے، اس مقام پر  فلم سازی کرنا اور جان دار کی تصاویر پر مشتمل ویڈیوز شیئر کرنا بے ادبی کے ساتھ ساتھ خلافِ شرع عمل ہے، جس پر سچے دل سے  توبہ کرنا  ضروری ہے۔

ہمارے ہاں شخصی سوالات کے جوابات عموماً نہیں دیے جاتے، نیز چیچینیا کے مذکورہ صدر کی شخصیت کے حوالہ سے ہم نا واقف ہیں؛ لہذا ان کی شخصیت پر تبصرہ کرنا ممکن نہیں۔ نیز ہمیں چاہیے کہ جو اُمور ہمارے دائرۂ اختیار میں ہیں اور جن کے اوپر ہماری دنیا اور آخرت کی کامیابی کا مدار ہے ان کی فکر اور اصلاح مقدم رکھیں۔ فقط واللہ اعلم