وقت میں برکت نہیں ہے ۔براہِ کرم وقت میں برکت کے لیے تدابیر بتا دیں قرآن و حدیث کی روشنی میں۔آپ صلی اللہ علیہ وسلم نے کیا طریقہ بتایا ہے؟
رات کو جلدی سونے اور فجر میں اٹھنے اور نمازیں مقررہ اوقات میں ادا کرنے کا اہتمام کریں اور اپنے دن بھر کے کاموں کو نمٹانے کا آغاز فجر کے بعد سے کریں، دن میں دیر تک سونے سے کلی اجتناب کریں، ہر کام بسم اللہ پڑھ کر کریں، اور درج ذیل دعا کثرت سے پڑھیں:
" اَللّٰهُمَّ بَارِکْ لِيْ فِيْ اَوْقَاتِيْ"
اللہ کی ذات سے قوی امید ہے کہ مذکورہ طریقہ کے مطابق چلنے کی صورت وقت میں برکت کا مشاہدہ خود ہی کرلیں گے۔اس کے ساتھ ایک اہم معمول یہ رکھیں کہ تلاوتِ قرآنِ کریم ضرور کریں ۔فقط واللہ اعلم
فتوی نمبر : 144004200885
دارالافتاء : جامعہ علوم اسلامیہ علامہ محمد یوسف بنوری ٹاؤن