سوال

  ایک مسجد کے وضو خانہ میں بہت اچھی ٹائلیں لگی ہوئی ہیں اس کو توڑ کر نئے ڈیزائن کی زیادہ اچھی ٹائلیں لگانے کا کیا حکم ہے، جب کہ اس میں مسجد کا پیسہ لگ رہا ہو جو چندہ کی مد میں آیا ہو یا وہ رقم کسی نے اسی مقصدکے لیے دی ہو یا دینا چاہ رہا ہو؟ 

جواب

مسجد کے وضو خانہ  میں لگی ہوئی ٹائلیں جب اچھی بھی ہیں اور قابل استعمال بھی ہیں ان کو توڑنا یا ہٹا کر نئی لگانا درست نہیں، خواہ اجتماعی چندےسے تبدیل کی جائیں یا کوئی شخص اپنی ذاتی رقم سے یہ کام کرے؛ کیوں کہ مالِ وقف جب تک قابلِ استعمال ہو اس کی تبدیلی جائز نہیں ہوتی۔  کذا فی رد المحتار: مسجد مبنی اراد رجل ان ینقضہ ویبنیہ احکم لیس لہ ذلک  ۔۔۔۔۔الا ان یخاف ان ینھدم( ج: ۴، ص: ۳۵۷، ط: سعید) فقط واللہ اعلم