میری والدہ کو فوت ہوئے تقریباً سات سال کا عرصہ گزر گیا ہے، گزشتہ چند دنوں سے میں خواب میں اپنی والدہ مرحومہ کو دیکھ رہا ہوں جو خواب میں نظر آرہی ہیں، مگر بالکل خاموش رہتی ہیں، اس کا کیا مطلب ہو سکتا ہے؟
صورتِ مسئولہ میں والدہ مرحومہ کے لیے ایصالِ ثواب کی کثرت کریں، ہوسکے تو صدقہ جاریہ کے طور پر کسی مسجد کی تعمیر میں ان کی طرف سے حصہ ڈال دیں، یا کنواں کھدوادیں یا بورنگ کروادیں، نیز اگر ان پر کسی کا قرضہ ہو تو معلوم کرکے یا تو ادا کردیں یا معاف کرا لیں۔ فقط واللہ اعلم
فتوی نمبر : 144007200579
دارالافتاء : جامعہ علوم اسلامیہ علامہ محمد یوسف بنوری ٹاؤن