غریب نے بنیتِ اضحیہ جانور خریدا اور قربانی کی، بعد میں معلوم ہوا کہ جانور کم عمر تھا تو اس کی قربانی ہوئی یا نہیں؟
چوں کہ غریب پر قربانی واجب نہیں ہوتی، لیکن وہ جو جانور قربانی کی نیت سے خریدے یا کوئی جانور قربانی کے لیے متعین کردے تو وہی جانور قربانی کے لیے متعین ہوجاتاہے، خواہ اس میں قربانی کی شرائط مکمل نہ ہوں، اس لیے کم عمر جانور خریدنے کی صورت میں وہی جانور اس کے حق میں متعین تھا؛ اب قربانی کردینے کے بعد جانور کی عمر کا علم ہوا تو دوبارہ غریب پر قربانی کی قیمت صدقہ کرنا لازم نہیں ۔فقط واللہ اعلم
فتوی نمبر : 144008200039
دارالافتاء : جامعہ علوم اسلامیہ علامہ محمد یوسف بنوری ٹاؤن