سوال

کیا شوال کے روزے دوسری شوال سے سے رکھنا ضروری ہیں؟بعض لوگ کہتے ہیں کہ دوسری شوال سے روزے رکھیں، چاہے باقی روزے بعد میں پورے کرلیں۔کیا 10 یا 20 شوال سے روزے رکھ سکتے ہیں؟

جواب

شوال کی دوسری تاریخ سے روزے رکھنا ضروری نہیں ہے، دس یا بیس شوال یا کسی بھی تاریخ سے شوال کے روزے رکھ سکتے ہیں۔ واضح رہے کہ شوال کے چھ روزوں کی فضیلت احادیثِ مبارکہ میں آئی ہے، لیکن یہ روزے رکھنا ضروری نہیں ہے، بلکہ مستحب ہے، اور شوال کا مہینہ پورا ہونے سے پہلے پہلے چھ کی تعداد پوری کرلینے سے ان شاء اللہ فضیلت حاصل ہوجائے گی۔فقط واللہ اعلم