زیرناف بالوں کے کاٹنے کا کیاحکم اورطریقہ ہے؟تفصیل سے آگاہ فرمادیں۔
ز یرناف بالوں کی حد ناف کے نیچے پیڑوں کی ہڈی سے ہے،اوریہ تقریباً ناف سے تین چارانچ کے فاصلے پرہے،نیزاس میں شرم گاہ اوراس کے آس پاس کاحصہ،اسی طرح پاخانہ کے مقام کے ارد گردکا حصہ شامل ہے۔
استرے سے مونڈناافضل ہے۔اورہرہفتے ان بالوں کی صفائی افضل اورمستحب ہے،چالیس دن تک چھوڑنے کی اجازت ہے۔البتہ چالیس دن سے زیادہ تاخیر کرنا جائز نہیں۔ اگر چالیس دن گزر گئے اور مذکورہ بالوں کی صفائی نہ کی تو گناہ ہوگا۔ فقط واللہ اعلم
فتوی نمبر : 143803200002
دارالافتاء : جامعہ علوم اسلامیہ علامہ محمد یوسف بنوری ٹاؤن