سوال

’’رحمہ اللہ‘‘  کا اطلاق زندوں کے لیے جائزہے یا نہیں ؟

جواب

’’رحمہ اللہ‘‘ ایک دعائیہ جملہ ہے جس کا مطلب ہے ’’ اللہ اس پر رحم فرمائے ‘‘ اس اعتبار سے تو یہ جملہ زندوں کے لیے بھی کہا جاسکتا ہے، البتہ ہمارے عرف میں عام طور سے یہ جملہ مرحومین کے لیے استعمال ہوتا ہے اور اسی وجہ سے کسی زندہ شخص کے لیے یہ جملہ استعمال کرنا التباس ( شک ) پیدا کرسکتا ہے، بنا بریں مناسب یہ ہے کہ زندوں کے لیے یہ جملہ استعمال نہ کیا جائے۔ فقط واللہ اعلم