کیا کسی ڈاڑھی منڈے کے چہرے کی طرف دیکھنا جائز ہے؟ آپ صلی اللہ علیہ وسلم نے تو فارس کے ایلچیوں سے منہ موڑ لیا کیونکہ وہ ڈاڑھی منڈے تھے۔۔؟
کسی فاسد نیت کے بغیر داڑھی مونڈھنے والے کے چہرے کو دیکھنا فی نفسہ جائز ہے، فارس کے ایلچیوں نے داڑھیاں مونڈھ رکھی تھیں اور مونچھیں بڑھا رکھی تھیں، اس لیے ان کے فعل کےعدم جواز اور منکر سے نفرت کے ا ظہار کے طورپرنبی کریم صلی اللہ علیہ وسلم نے ان سے چہرہ پھیر لیاتھا۔آج بھی حکم یہ ہے کہ منکر کو ختم نہ کرسکیں تو کم ازکم اس پر اپنی ناپسندیدگی کا اظہارکردیں ۔ واللہ اعلم.
فتوی نمبر : 143801200015
دارالافتاء : جامعہ علوم اسلامیہ علامہ محمد یوسف بنوری ٹاؤن