تیسری جنس کا انسان مرد والی نماز پڑھے یا عورت والی؟
خنثی یعنی تیسری جنس والا شخص اگر جسمانی اور خلقی اعتبار سے مرد کے مشابہ ہے تو مردوں کے احکام اس پر لاگو ہوں گےاور مردوں ہی کی طرح نماز پڑھےگا اور اگر وہ غالب جسمانی ساخت کے اعتبار سے عورت کے مشابہ ہے تو اس پر عورتوں کے احکامات لاگو ہوں گے اور انہی کی طرح نماز پڑھے گا۔( فتاویٰ شامی جلد 6 صفحہ نمبر 729 ) اور اگر کسی ایک جانب کو ترجیح نہ دی جاسکتی ہو تو ایسے شخص کو خنثی مشکل کہا جاتا ہے، خنثی مشکل نماز عورتوں جیسی پڑھے گا اس لیے کہ یہ اس کے لیے باعث ستر ہے۔ فقط واللہ اعلم
فتوی نمبر : 143811200030
دارالافتاء : جامعہ علوم اسلامیہ علامہ محمد یوسف بنوری ٹاؤن