مجھے ایم،سی،بی بینک کے عارف حبیب اکاؤنٹ کے بارے میں پوچھنا تھا, یہ ایک سیونگ اکاؤنٹ ہے اور اس میں رقم انویسمنٹ کریں گے تو ضرورت پڑنے پر وہ رقم نکلوا بھی سکتے ہیں ، اور اس میں منافع بھی ملتا ہے ، مگر یہ منافع فکس نہیں ہوتا بلکہ نفع نقصان کی بنیاد پر ہوتاہے ، اور روزانہ کے اعتبار سے ہوتاہے، کیا یہ ٹھیک ہے یا نہیں؟
مروجہ بینکنگ نظام اسلامی اصولوں کے خلاف ہے، اور ان بینکوں میں سیونگ اکاؤنٹ میں رقم رکھوا کر اس پر نفع حاصل کرنا درست نہیں, بلکہ سود میں شامل ہے۔لہذا ایم،سی،بی عارف حبیب سیونگ اکاؤنٹ میں رقم انویسمنٹ کرکے اس پر نفع حاصل کرناجائز نہیں ہے۔فقط واللہ اعلم
فتوی نمبر : 143811200005
دارالافتاء : جامعہ علوم اسلامیہ علامہ محمد یوسف بنوری ٹاؤن