سوال

میری کچھ رشتہ دار خواتین قربانی کا گوشت نہیں کھاتیں، اس وجہ سے کہ ان کو گوشت میں کراہت اور ہیک محسوس ہوتی ہے، کیا ان کا یہ عمل شریعت کی رو سے جائز ہے؟ کیا اس طرز عمل پر کوئی وعید ہے؟ وضاحت فرمادیں۔ سوال پوچھنے کا مقصد صرف اصلاح ہے تاکہ یہ خواتین اس طرز عمل سے بچ سکیں۔

جواب

گوشت کھانے کی طرف طبعی رغبت نہ ہونا شرعاً جرم نہیں ہے، اس پر شریعت میں کوئی وعید نہیں۔ بہت ساری حلال چیزیں ہم محض دل نہ چاہنے کی بنیاد پر نہیں کھاتے۔ اس طرز عمل سے ان حلال چیزوں کے حلال و حرام ہونے کے اعتقاد سے کوئی تعلق نہیں ہوتا۔ سوال کے ظاہر سے یہی معلوم ہوتا ہے کہ مذکورہ خواتین طبعی رغبت نہ ہونے کی بناء پر گوشت نہیں کھاسکتی، البتہ ایسی خواتین کو قربانی کی اہمیت اور اس کے گوشت کا احترام دل سے کرنا چاہیے۔