سوال

کیا ہم سنی دیوبندی فیروزہ انگوٹھی پہن سکتے ہیں؟ اگر نہیں پہن سکتے تو نہ پہننے کی وجہ بتادیں۔ جب کہ پہننے والے شخص کی طبیعت بھی اس کے پہننے سے اچھی ہوئی اور مالی حالات میں بھی نفع ہوا۔

جواب

کسی خاص پتھر کا استعمال اس عقیدے کے ساتھ کہ جانی یا مالی نفع ونقصان میں یہی پتھر مؤثر ہے، درست نہیں۔ خداوند تعالی کے حکم کے بغیرنرا پتھر اپنے اندر کوئی اثر نہیں رکھتا ۔ مرد حضرات ساڑھے چار ماشہ تک چاندی کی انگھوٹی پہن سکتے ہیں اور اس میں پتھر کا نگینہ بھی استعمال کرسکتے ہیں مگر پتھر کو مؤثر سمجھنے کا عقیدہ درست نہیں ۔۔ فقط واللہ أعلم بالصواب۔