بِسْمِ اللَّهِ الرَّحْمَنِ الرَّحِيم

- 17 اکتوبر 2019 ء

دارالافتاء

 

مردوعورت کی نماز میں فرق احادیث میں


سوال

مردو عورت کی نمازوں میں فرق کا ثبوت کن احادیث سے ہے؟ 

جواب

مرد وعورت کی نماز میں فرق کی بنیاد عورت کی نسوانیت، جسمانی ساخت اور پردہ ہے،  جہاں طہارت ، روزہ حج، ودیگر مختلف شرعی احکام میں ان امور کا پاس ولحاظ پایا جاتا ہے،یہ بھی  ملحوظ ہیں، اس سلسلے میں کتب حدیث کی چند روایات پیش کی جاتی ہیں:

1- یزید بن حبیب فرماتے ہیں کہ نبی کریم صلی اللہ علیہ وسلم دو عورتوں کے پاس سے گزرے، جو نماز پڑه رہی تھیں، تو ان سے فرمایا:  جب تم سجدہ کرو تو  (جسم کے) گوشت کا بعض حصہ زمین سے ملا لیا کرو ، اس لئے اس پہلو سے عورت ، مرد کی مانند نہیں. (مراسیل ابوداود)

2- حضرت ابو سعید خدری رضی اللہ عنہ کی روایت ہے کہ نبی کریم صلی اللہ علیہ وسلم نے فرمایا: مردوں کی  افضل صف پہلی ہے اور عورتوں کی آخری، اور آپ مردوں کو سجدے میں زمین سے دور رہنے کا اور عورتوں کو جہکنے کا حکم فرماتےتھے ، اور مردوں کو حکم دیتے تھے  کہ وہ تشہد میں بایاں پاوں بچھایں  اور دایاں سیدہا رکہیں، اور عورتیں چوکڑی مار کر بیٹھیں. (سنن کبری بیہقی)

3- عبداللہ بن عمر رضی اللہ عنہما کی روایت ہے کہ رسول اللہ صلی اللہ علیہ وسلم نے فرمایا: جب عورت نماز میں سجدہ کرے تو  اپنی داہنی ران بائیں پر رکھے ،  اور سجدے میں پیٹ کو رانوں سے اس طرح ملائے کہ زیادہ سے زیادہ پردہ ہو. (سنن کبری بیہقی)

4- حضرت علی رضی اللہ عنہ فرماتے ہیں : جب عورت سجدہ کرے تو اپنی رانوں کو (پیٹ سے) ملا لے. (سننن کبری بیہقی)

5- عبد ربہ بن زیتون رحمہ اللہ فرماتے ہیں: ام درداء رضی اللہ عنہا نماز شروع کرتے وقت کندہوں تک ہاتھ اٹھاتی تھیں. (مصنف ابن ابی شیبہ) 

6- عبد اللہ بن عباس رضی اللہ عنہما سے عورتو ں کی نماز کے متعلق پوچہا گیا تو فرمایا: وہ اپنے آپ کو یکجا اور سمیٹ کر رکھے . (مصنف ابن ابی شیبہ)

مزید تفصیل کے لئے ملاحظہ فرمائیں : مجموعہ رسائل مولانا امین صفدر اوکاڑوی رحمہ اللہ  اور فتاوی دارالعلوم زکریا جلد دوم 


فتوی نمبر : 143512200046

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاشں

کتب و ابواب

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے یہاں کلک کریں، سوال بھیجنے کے بعد جواب کا انتظار کریں۔سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے

سوال پوچھیں

ہماری ایپلی کیشن ڈاؤن لوڈ کرنے کے لئے