میں نے یہ بات پڑھی ہے کہ بینک میں ملازمت حرام ہے۔ میرا سوال یہ ہے کہ کیا ایسی کسی کمپنی میں کام کرنا صحیح ہے جو بینک کے لیے کام کرتی ہے یا بینک کے پیسے پہ کام کر رہی ہے۔ ان کا کام کرنے کا طریقہ کار یہ ہے کہ ان لوگوں نے بینک سے معاہدہ کیا ہے کہ جب تک ان کو کوئی فائدہ نہیں ہو رہا تب تک بینک ملازمین کی تنخواہ دے گا اس کے بعد منافع میں سے حصہ بینک کو جائے گا۔
اگر مذکورہ کمپنی کا اصل کام حلال ہے، تو ایسی صورت میں ملازمین کی تنخواہ حلال شمار ہوگی، رہی بات مالکان اور بینک کے مابین معاہدے کی تو اس کی ذمہ داری ملازمین پر عائد نہیں ہوگی۔ فقط واللہ اعلم
فتوی نمبر : 144004201419
دارالافتاء : جامعہ علوم اسلامیہ علامہ محمد یوسف بنوری ٹاؤن