کوئی چیز گم ہوجائے، اسے ڈھونڈنے کے لیے کون سی دعا ہے؟
ہر پریشانی اور مصیبت کے لیے سب سے مجرب اور بہترین وظیفہ صدقِ دل سے دعا کرنا ہے، نیز گم شدہ چیز کی واپسی کے لیے درج ذیل وظائف پڑھنا مجرب ہے، کوئی سا بھی وظیفہ پڑھ سکتے ہیں:
1۔ "إِنَّاللِّٰهِ وَإِنَّا إِلَیْهِ رَاجِعُوْنَ" کثرت سے پڑھنا .
2۔ "اَللّٰهُمَّ رَادَّ ِّالضَّالةِ وَهَادِيَ الضَّالةِ أَنْتَ تَهْدِيْ مِنَ الضَّلَالَةِ، اُرْدُدْ عَلَيَّ ضَالَّتِيْ بِقُدْرَتِكَ وَ سُلْطَانِكَ؛ فَإِنّهَا مِنْ عَطَائِكَ وَفَضْلِكَ". ( حصن حصین )اس دعا کو کثرت سے پڑھنا.
3۔ بعض اکابر نے لکھا ہے کہ دو رکعت تنہائی میں صلاۃ الحاجت کی نیت سے پڑھ کر سات مرتبہ درود شریف پڑھیں پھر سورۃ لقمان کی آیت ﴿ يابُنَيَّ إِنَّهَآ إِن تَكُ مِثْقَالَ حَبَّةٍ مِّنْ خَرْدَلٍ فَتَكُنْ فِي صَخْرَةٍ أَوْ فِي السَّمَاوَاتِ أَوْ فِي الأَرْضِ يَأْتِ بِهَا اللَّهُ إِنَّ اللَّهَ لَطِيفٌ خَبِيرٌ﴾ 119 مرتبہ پڑھیں پھر یا حفیظ 119 مرتبہ اُس کے بعد درود شریف سات مرتبہ پڑھ کر دعا کریں، ان شاء اللہ آپ کی گم شدہ چیز جلد مل جائے گی۔
4۔ ﴿ رَبَّنَا اِنَّكَ جَامِعُ النَّاسِ لِیَوْمٍ لَّا رَیْبَ فِیْهِ اِنَّ اللّٰهَ لَا یُخْلِفُ الْمِیْعَادَ﴾ ( سورۃ آل عمران،آیت :9) یہ دعا پڑھتے رہیں ان شاء اللہ جلد وہ چیز مل جائے گی ۔فقط واللہ اعلم
فتوی نمبر : 144104200955
دارالافتاء : جامعہ علوم اسلامیہ علامہ محمد یوسف بنوری ٹاؤن