اگر ایک سال کا بکرا ہو, مگر اس کے دانت نہ ہوں تو کیااس کی قربانی کرنا درست ہے یا نہیں؟
بکرا اور بکری کی قربانی صحیح ہونے کے لیے ایک سال کا ہونا ضروری ہے،دو دانت اس کی علامت ہے، لہذا اگر کوئی جانور ایسا ہے جو ایک سال کا ہو جانے کے بعد بھی دو دانت نہیں نکالتا تو اس کی قربانی درست ہے۔ البتہ اس سلسلہ میں صرف جانورفروخت کرنے والوں کے قول کا اعتبار نہ کیا جائے خصوصاً موجودہ زمانے میں جس میں دھوکا اور فریب عام ہے۔ہاں! اگر کسی نے جانور خود پالاہے یا جانور اس کے سامنے پلا ہے اوراس کو عمر معلوم ہے توایسی صورت میں قربانی کرلی جائے اگرچہ دانت نہ نکلے ہوں۔فقط واللہ اعلم
فتوی نمبر : 143909202220
دارالافتاء : جامعہ علوم اسلامیہ علامہ محمد یوسف بنوری ٹاؤن