داڈھی پر کون سا کلر لگا سکتے ہے، جس سے وضو ہو جائے؟
داڑھی یا سر کے سفید بالوں کو خضاب یا مہندی وغیرہ سے رنگنا اور خضاب لگائے بغیر سفید چھوڑ دینا دونوں جائز ہیں، البتہ خالص سیاہ خضاب یا سیاہ مہندی لگانا مرد و عورت دونوں کے لیے جائز نہیں ہے، اور سرخ خضاب خالص مہندی کا یا کچھ سیاہی مائل جس میں کتم شامل کیا جاتا ہے، مسنون ہے۔اسی طرح بازار میں دست یاب خالص سیاہ رنگ کے علاوہ دیگر رنگوں سے داڑھی اور سر کے بالوں کو رنگنا بھی جائز ہے ، مگر اس شرط کے ساتھ کہ اس میں کوئی نجس چیز شامل نہ ہو، اور اس کی تہہ نہ جمتی ہو جو پانی پہنچنے کے لیے رکاوٹ بنے، بلکہ اس کو لگانے کے بعد محض رنگ آتا ہو۔ فقط واللہ اعلم
فتوی نمبر : 143909201379
دارالافتاء : جامعہ علوم اسلامیہ علامہ محمد یوسف بنوری ٹاؤن