میں اپنی کزن سے شادی کرنا چاہتا ہوں، لیکن مجھے پتا نہیں میں اسے پسند ہوں یا نہیں، لیکن اس کی ماں کو یہ رشتہ پسند نہیں ہے، اس نے اپنی ماں کے دباؤ میں ہاں کرکے رشتہ سے انکار کردیا ہے وظیفہ ہو تو بتائیں یا کوئی اور حل ہو۔
رشتے کے سلسلے میں دین داری اور اخلاق کو ترجیح دینی چاہیے، دنیاوی اعتبار سے طرزِ زندگی کی بہتری کے ساتھ دینی ترقی اور اعمال پر استقامت اور آسانی جس رشتے میں ہو اس کی دعا کرنی چاہیے، اور آپ جہاں رشتہ کرنا چاہتے ہیں بہتر ہے کہ پہلے استخارہ کرلیں اور معاملہ بڑوں کے حوالے کردیں۔ نیز نمازِعشاء کے بعد اول وآخر گیارہ گیارہ مرتبہ درود شریف اوردرمیان میں گیارہ سومرتبہ ’’یاَلَطِیْفُ‘‘ پڑھ کراللہ تعالیٰ دعاکریں۔ اور صبح و شام پابندی سے سورہ واقعہ اور سورہ طارق پڑھیں۔ فقط واللہ اعلم
فتوی نمبر : 144012201689
دارالافتاء : جامعہ علوم اسلامیہ علامہ محمد یوسف بنوری ٹاؤن